Яшь әниләр клубына рәхим итегез!

“Мизгел” яшьләр үзәгендә яшь әниләр клубы эшли башлады.Спорт дирекциясе инициативасы белән оештырылган әлеге клубта декрет ялында ятучы әниләр, барлык теләүчеләр дә бик теләп катнаша. Әниләргә чәчтараш, косметологлар, визажистлар мастер-класслар үткәрә. Әниләр психологлар белән дә эч-серләрен уртаклаша, дин буенча гыйлемнәрен баета. Аның беренчесе “Визаж мейк-ап” исеме астында узды. Атнаның һәр җомгасында “Мизгел” яшьләр үзәгендә үткәрелүче бу чара әлегә түләүсез үз эшчәнлеген алып бара. Бу атнада клуб эшен 18:30 сәгатьтә башлап җибәрәчәк.