Укучыларыбыз яза. Бердәм булып

Мари Бүләр авылында русларның Раштуа һәм мариларның Шорык йол бәйрәмнәре билгеләп үтелде. Чарада Усаклык авылында яшәүчеләр дә катнашты. Мари милли-мәдәни автономиясе оешмасы җитәкчелегендә мәктәп коллективы, мәдәният йорты, китапханә хезмәткәрләре тырышлыгы белән әзерләнгән бәйрәмнәр һәркемнең күңеленә хуш килде. Соңыннан Минзәлә районы Калтак авылы үзешчәннәре чыгышы булды. Алар Регина Аптеевага ярдәм йөзеннән зур хәйрия концерты әзерләгән иде. Тамашачылар халыкның бердәмлегенә сөенеп, нәни Регинага сәламәтлек, ил-көнгә тынычлык теләде. 
Мөхәммәт Мәрдиев. 
Мари Бүләр.