Туган як музеенда булдылар

Мөслим гимназиясенең мәктәп яны лагерена йөрүче балалар Туган як музеенда булды. Музей хезмәткәрләре балаларга “Мөслим авылының үткәне һәм бүгенгесе” исеме астында музей-дәрес  күрсәтте. Дәрес барышында Мөслим авылының барлыкка килүен, җирлегебезнең милли-мәдәни мирасы, аның бәйрәмнәре, йола-гадәтләре, милли киемнәре турында сөйләделәр. Чара Мөслимгә багышланган видеоролик белән үрелеп барды. Ахырдан укучылар белән “Шәхесләр йөрткән урам исемнәрен әйт” исемле уен уйнадылар.