Спорт белән шөгыльләнү өчен мөмкинлекләр зур

Районның балалар һәм яшүсмерләр спорт мәктәбендә 487 бала шөгыльләнә, шуның 463е – спорт мәктәбенең үзендә, ә 24е – Мөслим гимназиясендәге һәм Тат. Бүләр мәктәбендәге филиалларда (аларда билбау көрәше, шахмат дәресләре үткәрелә). Спорт мәктәбенең үзендә татарча көрәш, бадминтон, волейбол, шахмат, хоккей, армспорт, билбау көрәше, баскетбол, йөзү, чаңгы һәм өстәл теннисы буенча укыту-күнектерү дәресләре алып барыла. Балаларга 21 тренер-укытучы шөгыльләнә. Ноябрь аеннан башлап район үзәгендәге балалар бакчалары нәниләре дә график нигезендә спорт мәктәбендә шөгыльләнә башлады. Нәниләрне бассейнга йөртү дә оештырылган.