Мөслимлеләргә спектакль күрсәтелде

Зифа Басыйрова исемендәге район мәдәният йортында С. Өметбаев исемендәге татар дәүләт Минзәлә драма театры артистлары спектакль куйды. Мәктәп балалары өчен “Снежная королева” әкияте сәхнәләштерелсә, кичен мөслимлеләр игътибарына 4 пәрдәдән торган “Иблис” спектакле күрсәтелде. Тирән мәгънәгә ия булган әлеге әсәрне минзәләлеләр зур осталык белән башкарды. Әлеге искиткеч тамашаны карарга Мөслим сәнгать мәктәбе укытучылары һәм укучылары да килде.