Райондашыбызга 10 мең сумга кадәр штраф яный

1 декабрьдән “Алкоголь – 2020” профилактик операциясе старт алды. “Бу чара алкоголь базарында хокук бозуларны кисәтү һәм гражданнарның спиртлы суррогатлар белән агулану очракларын булдырмау максатыннан үткәрелә. Операция барышында Яңа Усы авылында көмешкә белән сату итүче бер райондашыбыз тоткарланды. Аңа 10 мең сумга кадәр штраф яный. Ялган аракы белән агуланып, район хастаханәсенә эләгүчеләр дә бар. Үзегезнең сәламәтлегегезне суррогат аракы белән агуламагыз. Ялган аракы белән сату итүчеләр турында белсәгез, кичекмәстән район эчке эшләр бүлегенә хәбәр итегез”, – ди җинаятьләрне эзләү бүлеге җитәкчесе Булат Җамалиев.

Фото - Pixabay.com