" Намус" уңганы

“Намус” агрофирмасы уңганы Марсель Солтанов (рәсемдә) быел авыл хуҗалыгы алдынгыларының район слетында хөрмәтләнде. Авыл хуҗалыгы тармагында озак еллар намуслы хезмәт куйган өчен район башлыгының Мактау грамотасына лаек булды. Марсель бу сезонда үзенә беркетелгән “МТЗ-1221” тракторында язын – ашлама, көзен комбайннан кагатларга шикәр чөгендере ташуда эшләде. Бүген Зәй шикәр заводына озатылучы татлы тамырны юдыру өчен су ташып тора. 
Әлфинур Ногманова фотосы.