Кытайдан ук килделәр. Фоторепортаж

Районыбызга Кытай халык республикасыннан вәкилләр килде. Аларның максаты – “Август-Мөслим” агрофирмасының үсемлекчелек тармагы, җир эшкәртү, чәчү һәм үсемлекләрне тәрбияләүдә кулланылучы заманча техника белән танышу. Кунаклар шулай ук Мөслимнең парк һәм скверларында булдылар, матур урыннарын карадылар. Кытайның авыл хуҗалыгы буенча белгече Чжан, делегация директоры Юань Цзюнь һәм тәрҗемәче Ян Цзяо Мөслимнең бик чиста, төзек авыл, татар ашларының тәмле, халыкның кунакчыл, ачык йөзле булуын билгеләп үттеләр. Кунакларны район буенча “Август-агротехнологияләр” дилерлык үзәге генераль директоры Альберт Хуҗин озатып йөрде.

Фәридә Гайнетдинова фотолары.