Көнбагыш үстерүгә зур игътибар бирелә

“Нуретдинов” крестьян-фермер хуҗалыгы, Яңа Усы авыл җирлегендә яшәүчеләрнең пай җирләрен арендага алып, игенчелек һәм терлекчелек белән шөгыльләнә. Соңгы елларда алар көнбагыш, карабодай, рапс кебек табышлы культураларны үстерүгә зур игътибар бирәләр. Хуҗалыкта бүген көнбагыш урагына әзерләнәләр. Бер мең гектарда үстерелгән әлеге культураны җыеп алу өчен Новосибирск шәһәреннән яңа ургыч сатып алганнар. Хуҗалыкның өч “Полесье”, бер “Акрос” комбайны, өч “КамАЗ”, ике “ЗИЛ” машинасы, биш данә “МТЗ-1221” тракторы бар.