Кайчан аңлар?

Район прокуратурасы 38 яшьлек Мөслим районы кешесенә карата җинаять эше буенча дәүләт гаепләвен хуплады. Суд Ш.ны РФ Җинаятьләр кодексының 264.1 маддәсендә каралган җинаять кылуда гаепле дип тапты. Элек тә административ җәзага тартылган булган Ш. яңадан юл хәрәкәте кагыйдәләрен бозган.  
Суд тикшерүе барышында ачыкланганча, 2020нче елның 18 апрелендә исерек хәлдә автомобиль белән идарә иткән өчен административ җаваплылыкка тартылган Ш. исерек килеш кабат руль артына утыра. Мөслим авылының Тукай урамында аны полиция хезмәткәрләре туктата һәм спиртлы эчемлек кулланган булуын ачыклый. Ш. үзенең гаебен таныды. Суд аңа 200 сәгать мәҗбүри эш һәм 2 елга транспорт чарасы белән идарә итүдән тыю рәвешендә җәза билгеләде.
 

Район прокуратурасы.