Авыл җирлекләрендә янгын куркынычсызлыгы буенча рейдлар уздырылды

Мөслим һәм Сарман районнары буенча янгын күзәтчелеге бүлегеннән хәбәр итүләренчә, узган атнада авыл җирлекләрендә янгын куркынычсызлыгы буенча рейдлар уздырылган. “Мәлләтамак, Түбән Табын, Исәнсеф авыл җирлекләрендә янгын килеп чыккан очракта, махсус машиналарга су алуга кыенлык тудыручы киртәләр булу-булмавын да тикшердек. Авылларда янгын сүндерү буенча ирекле дружиналар булдыру да мөһим. Алга таба тикшерүләр барышында, йортларга кереп, халыкка аңлату эшләре дә алып барачакбыз, – ди бүлек белгечләре.