Акчаларыгызны саклагыз!

Соңгы арада финанс пирамидалары барлыкка килә башлады. Зур процентларга алданып, кайберәүләр акчаларын шикле компанияләргә сала. Шул максаттан хәтта кредит алучылар да бар. Республиканың берничә районында финанс пирамидаларының җимерелүе турында мәгълүмат пәйда булды. Кисәтеп куябыз: финанс пирамидалары ышанычлы әйбер түгел! Акчаларыгызны саклагыз, мошенниклар тозагына эләкмәгез, дип хәбәр итәләр район эчке эшләр бүлегеннән.