Кетәклек якты булсын

Җәен тавыкларга көн озынлыгы, табигый яктылык, кояш нурлары җитә. Көннәр кыскару белән, тавыкларның матдәләр алмашы акрыная.

Кышын йомырка салуларын туктатмасыннар өчен, кетәклекне өстәмә яктыртырга кирәк. Тавыкларга тәүлегенә 12-13 сәгать яктылык булса, алар йомырканы 25 % ка күбрәк сала башлыйлар. Яктылыкны бирү вакытын көн саен 20 минутка арттырып бару яхшы. Ләкин аның  озынлыгы 15 сәгатьтән артык булмасын, тавыклар караңгыда ял итәргә дә тиеш.

6 кв. метрлы кетәклеккә 60 Вт лы лампочка җитә. Ничә лампочка куярга икәнен кетәклекнең зурлыгына карап хәл итегез. Тавыклар шәмәхә төсне начар кабул итә, зәңгәр ут тавыкларны тынычландыра, аларның активлыгы кими. Чәнки зәңгәр төсне алар караңгы төшү дип кабул итә. Тавыкларга саргылт ут яхшы. Лампочка идәннән 2 метр биеклектә эленеп торырга тиеш. Тавыклар бер-берсен чукый башласа, кетәклектәге яктылыкны киметергә кирәк.

Фото - "Мөслим-информ" архивыннан