Иммунитет дошманнары

Организмның иң зур ярдәмчесе - иммунитет. Ул авырулардан,  инфекцияләрдән, вируслардан саклый. Аны нәрсәләр какшата соң? Тәмәке тарту иммунитет эшчәнлеген какшата. Пассив тәмәке  тартучылар, ягьни тәмәке төтенен суларга мәҗбүр булучылар,  сәламәтлегенә дә зыян китерә. Табиблар белдерүенчә, сезонлы вируслы авырулар иң беренче тәмәке тартучыларны аяктан ега. Алкогольнең зыяны тәмәкедән ким түгел. Даими спиртлы эчемлекләр кулланучыларның иммунитеты какшый.

Стресслар иммунитетны какшата. Вируслы авыруларның елдан-ел күбрәк таралуын шуның белән бәйләргә мөмкин. Стресс халәтендә организм артык күләмдә кортизол матдәсе эшләп чыгара, ул иммун системасын какшата.

Дерес тукланмау - шулай ук иммунитетның дошманы. Ризыклар составындагы консервантлар, тәрле кушылмалар организмны көчсезләндерә. Даруларны табиб киңәшеннән башка яисә теләсә кайсы вакытта эчү, антибиотиклар куллану эчәклек микрофлорасына зыян сала.

Фото - "Татар-инфрпм" архивыннан