Бөек Җиңүнең 79 еллыгына багышланган футбол ярышлары үтте

Бөек Җиңүнең 79 еллыгына багышлап, кичә Мөслим урта мәктәбенең спорт мәйданчыгында футбол ярышлары үткәрелде. Киеренке уенда командалар бер йодрыкка тупланып, матур уңышларга иреште. 

2015-2016 елгы балалар арасында үткәрелгән уенда Мөслим спорт мәктәбе командасы җиңү яулады. Тренеры - Радик Кәшбиев. Икенче урында Илфак Хафизов җитәкләгән "Мирас" командасы.

2013-2014 елгы малайлар арасында үткәрелгән футбол уенында 1 һәм 3 нче урыннарда - Мөслим спорт мәктәбе командасы, икедә - "Мирас", дүртенче урында лицей командасы (тренеры - Фасыйл Арсланов) калды. 

Ярышларда "Иң яхшы уенчылар" исеменә - Ризван Сәлахов, Алмаз Шәйморзин, Раяз Нуруллин лаек булды. 

Җиңүче командаларга һәм яхшы уен күрсәткән футболчыларга спорт мәктәбенең Мактау грамоталары, медальләр тапшырылды.

 Лилия Шәймиева фотолары