Инсульт

Инсульт баш миенә кан килүнең кискен бозылуы белән бәйле. Кан әйләнеше бозылу нәтиҗәсендә авыру үлемгә китерергә мөмкин. “Инсультка китерүче сәбәпләр – кан тамырларында кан укмашу, гипертония, атеросклероз. Тромбоз барлыкка килү куркынычы шикәр диабеты белән авыручыларга, югары кан басымыннан интегүчеләргә, гәүдә авырлыгы артык зур булган, тәмәке тартучы кешеләргә, гормональ контрацептив кулланучы хатын-кызларга яный. Быел 37 райондашыбыз инсульт нәтиҗәсендә якты дөнья белән хушлашты”, – ди поликлиниканың участок табибы Алсу Таишева.