Суд карары чыкты

Гаязов гаебен танымады. Мировой судья, Гаязовның күрсәтмәләренә дәлил буларак, аның гаебен раслаучы видеоязманы да күрсәтте.

– Районда мин генә алкоголь кулланып рульгә утырмыйм бит! Нигә мине тоткарлаганнар? Нигә башкалар йөри? Спиртлы эчемлекләрне мин алай күп кулланмыйм! Гаебемне танымыйм. Мине өйгә кайтып җиткәч, машинаны сүндергәч тоткарладылар, – диде Гаязов.

Видеоязмадан күренгәнчә, Гаязов алкотестерга өрүдән дә, район хастаханәсенең ашыгыч ярдәм бүлегенә кан анализлары тапшырудан да баш тарта. Аның үз-үзен тотышының адекват булмавы сүлпәнлегендә, тавыш күтәрүдә, янау сүзләрендә ачык чагыла.

Җәмәгать суды административ җинаять кылганы өчен Гаязовка 30 мең сум штраф билгеләде һәм 1 ел да 6 айга транспорт белән идарә итү хокукыннан мәхрүм итү турында карар чыгарды.

Фото – Мөслим-информ архивыннан