Мөслимгә Илшат Әминов килде. ФОТОРЕПОРТАЖ

Мөслимгә ТР Дәүләт советы депутаты, “Яңа гасыр” телерадиокомпаниясе генераль директоры Илшат Әминов,  “Татмедиа” җәмгыятенең телевизион тапшырулар буенча генераль директор урынбасары Марина Коновалова, “Эфир” телеканалының яңалыклар хезмәте шеф-редакторы Сергей Шерстнев килде. Кунакларны район башлыгы Рамил Муллин озатып йөрде. Казан кунаклары Мөслим матбугат үзәгендә булып, эш тәртибе, хезмәткәрләр белән дә танышты. “Мөслимгә килүебезнең төп максаты – региональ массакүләм матбугат чараларының ничек эшләве, аларның тормышы белән танышу иде. Региональ телевидение дә, региональ газета да булырга тиеш, сез аны сакларга тиешсез. Кабель яисә социаль челтәрдә эшлисезме, яңача эшләү һәм бөтен мөмкин чараларны кулланып, яңалыкларны яктырту таләп ителә” ,– диде Илшат Әминов.

Лилия Шәймиева фотолары.