Газетага язылмау ул – битарафлык билгесе

Вакытлы матбугаттан башка тормышны күз алдына да китермәүче гаиләләр бар. Шуларның берсе – Мөслим авылында гомер итүче Мәгъфия һәм Мияссәр Мостафиннар.

– Телевизор һәм радио аша хәбәрләрне ишетми, күрми калырга мөмкин, газетаданы кабат-кабат укырга була! Яшь чактан ук укырга яратам, газеталарга күпләп язылуыбызның сәбәбе шул. Төнлә йоклый алмый ятканда да газета даруга тиң. Тормыш иптәшем кайвакыт: “Нәрсә кыштырдап ятасың инде?!” – дип шаяртып, орышып та ала, – ди Мәгъфия апа.

Гаилә “Авыл утлары”, “Акчарлак”, “Юлдаш”, “Татарстан яшьләре” “Ирек мәйданы” газеталарына һәм хуҗабикәләр өчен чыгарылучы төрле журналларга языла. Мостафиннарга адресланган газеталар почта тартмасына көчкә сыя.

Мостафиннар газета-журналларны җыеп, туплап баралар. Алар газетаның һәр санын укый һәм кадерләп саклый.

Лилия Шәймиева

Лилия Шәймиева фотосы.

Тулырак "Авыл утлары" газетасының 2023 ел, 15 декабрь санында