Чемпионнар үсә

Күптән түгел генә район спортчылары Түбән Кама шәһәрендә армрестлинг буенча узган Татарстан чемпионатында көч сынашты. Балалар һәм яшүсмерләр спорт мәктәбендә кул көрәше белән шөгыльләнүче Илһам Бариев һәм Илнур Кәримов үз үлчәү авырлыкларында республика чемпионнары булдылар. Ислам Гайнуллин, Камилла Атоева һәм Илназ Нуруллин – икенче, Алия Минкина, Закир Кәримов өченче урынны алдылар. Безнең егетләр командасы, түбәнкамалылардан 2 очкога гына калышып, икенче урынны яулады. Спортчыларның тренеры – Ларис Бариев