Үзәк китапханәдә «Могҗизалар кыры» интеллектуаль уены оештырылды

Гаилә елы кысаларында, шулай ук «Китапханәдә кичә - 2024» Бөтенроссия акциясенә кушылып район үзәк китапханәсендә  «Могҗизалар кыры» интеллектуаль уены оештырылды. Уен Сарман районы буенча «Юл хәрәкәте иминлеге» ДБУ бүлеге җитәкчесе  Алсу Ситдыйкова белән берлектә Мөслим районы буенча сугыш хәрәкәтләре ветераннары иҗтимагый оешмасы вәкилләре өчен үткәрелде.  Чара башында уен кагыйдәләре аңлатылды һәм өч уенчы билгеләнде. Уен-шоу атмосферасы бөтен кеше яраткан экран версиясе белән тулысынча туры килә. Ветераннар биремнәр турында фикер алыштылар, мөмкин кадәр күбрәк дөрес хәрефләрне атарга тырыштылар. Һәр уен өчлегенең җиңүчеләре финалда очраштылар. «Могҗизалар кыры» капитал-шоу уенының җиңүчесе Роберт Исламов булды. Очрашу чәй  өстәле артында дәвам итте, – дип язалар үзәк китапханәдән.

Фотолар – район үзәк китапханәсеннән