«Намус» механизаторларына күчмә ашханә

Урып-җыю эшләре кызганнан-кыза. "Намус" агрофирмасы механизаторлары һәр минутның кадерен белеп хезмәт куя, хәтта төшке аш вакытында да кырдан аерылмый.

Күчмә ашханәдә эшләүче пешекчеләр аларны турыдан-туры комбайннар янына килеп кайнар ризык белән тәэмин итә. Мондый кайгырту хезмәт кешеләренә вакытны янга калдырырга һәм уракны өзлексез дәвам итәргә мөмкинлек бирә.

Уңыш язмышы һәр сәгатькә бәйле булган чорда кыр батырларының фидакарь хезмәте аеруча зур хөрмәткә лаек.

Фото - район авыл хуҗалыгы һәм азык-төлек идарәсеннән.