Юллар торышы борчый
Үрәзмәт авыл җирлегендә яшәүчеләр дә җыенга актив булып килгән иде. Җирлек башлыгы Әлфир Закирҗанов башкарылган эшләр белән таныштырды, быелга бурычлар хакында сөйләде. Үрәзмәт авыл җирлеге территориясендә Үрәзмәт – Чишмә юлы иң авыр участок санала. Әлеге авылда 9 кеше яши. Юлны “Главтатдор-транс” казна учреждениесенә тапшыру буенча эш дәвам итә. А. Әхмәтҗанов бу мәсьәләнең район җитәкчелегенең аерым игътибарында булуын билгеләп үтте.
