Кызыл миләш тәлгәшләре
Кызыл миләшнең җимешләре бик ачы булса да, файдалы үзлекләре күп. Вируслар таралган чорда иммунитетны ныгыту өчен дә, томау төшкәндә, ютәл башланганда, кызыл миләш ярдәм итәргә мөмкин. “Миләштә аскорбин кислотасы күп, шуңа ул температураны төшерергә булыша. Кызыл миләштә бактерияләр, гөмбәчекләр үрчүгә каршы торучы җиләк-җимеш кислотасы да күп”, – диләр табиблар.
