“Катлы” салаты

Кирәкле ингредиентлар: 400 грамм чамасы тавык ите, 200-300 грамм маринадланган гөмбә (опята), уртача зурлыктагы бер баш суган, 1-2 пешкән кишер, 150 грамм сыр, майонез.

Әзерләү тәртибе. Салатны катлап өясе була. Беренче кат – тавык ите, икенче кат – маринадланган гөмбә, өченче кат – вак итеп туралган суган, дүртенчесе – угычтан чыгарылган пешкән кишер, бишенче кат – вак угычтан чыгарылган сыр. Һәр кат саен майонез ягабыз.

Тәмле булсын!