Хатирәләрне яңартып

Район хакимиятендә эшләгән ветераннарның истәлекләрен яңарту максатыннан аларны хакимият бинасына чакырдылар. Район Башлыгы Альберт Хуҗин кунакларга экскурсия уздырды.
Алар күп еллар дәвамында авырлыкларны җиңеп, районыбызның уңышлы киләчәге өчен тырышкан кешеләр. Һәр бүлмә үз истәлекләрен саклый. Үз эш урыннарында кабат булу ветераннарда кабатланмас кичерешләр уятты.
Хөрмәтле ветераннар! Сез иң яхшы традицияләрне саклаучылар һәм шулай булып калыгыз да. Сез-патриотизм, эшкә тугрылык, сабырлык һәм оптимизм үрнәге. Рәхмәт сезгә хезмәтегез өчен!