Ветераннарыбыз котлаулар кабул итә

 25 апрель көнне “Мизгел” яшьләр үзәге белгечләре һәм “Игелек уят” отряды волонтерлары Бөек Җиңүгә 74 ел тулу уңаеннан безнең Мөслимебездә яшәүче тыл ветераннарының өйләренә бардылар. Алар Татарстан президенты Р.Н.Миңнехановның  котлау открыткалары өләштеләр. Мөслимебездә сугыш һәм тыл ветераннары бик аз калып бара. Әйдәгез аларның кадерен белик, булышыйк, аларны онытмыйк! Ә безнең якты киләчәгебез, сабыйларның тыныч йокысы өчен башларын салган авылдашларыбызны зур хөрмәт белән искә алыйк.

Фото - "Мизгел" яшьләр үзәге архивыннан.