Урып-җыю эшләре 20% мәйданда башкарылды

Республика буенча барлык мәйданның 20 % ында, ягъни 302 мең 800 гектарда бөртекле һәм бөртекле-кузаклы культуралар уңышы җыеп алынды, ашлыкның тулай җыемы 948,1 мең тонна тәшкил итә. Гектар биреме - 31,3 центнер. Районда уҗым культураларын җыеп алу төгәлләнү алдында, урып-җыю эшләре барлык мәйданның 20 % ында башкарылды. Һәр гектардан уртача 29 центнер уңыш чыга. "Туган як" агрофирмасында, "Исламов", Авзалов", "Әюпов" крестьян-фермер хуҗалыкларында игеннәрне җыеп алуда өлгерлек күрсәтәләр.