Татарстан рәссамнары галереясы

Олы Чакмак авылы мәдәният йортында Татарстан рәссамнары галереясы белән танышырга мөмкинлек тудырылды.

Күргәзмәдә мәртәбәле кунаклар: язучылар, Г.Тукай исемендәге премия лауреатлары Факил Сафин, Фоат Садриев, халык рәссамы Мәдияр Хаҗиев, Яр Чаллы рәссамнар бүлеге җитәкчесе Ленар Әхмәтов, район башлыгы урынбасары Азат Әхмәтҗанов катнашты.

Яр Чаллы сәнгать мәктәбе укучыларының 90 нан артык хезмәте халыкка тәкъдим ителде. Мөслим сәнгать мәктәбе педагоглары чарада катнашучылар өчен мастер-класс оештырдылар. Чара зур бәйрәмгә әверелеп, һәркемнең күңелендә җылы хисләр калдырды.