Таныш булыгыз!

Шәфкать туташы һөнәрен үзләштереп, юллама белән Мөслим районына кайта. Хезмәт юлын Мөслим поли­клиникасында башлый, дис­пансер учетын алып бара.

– Мин 1 сыйныфта укыган­да ук анкеталарга: “Бырач бу­ласым килә!” – дип яза идем. Укытучы апам мәктәпне тәмамлаганда анкеталарны үземә бирде. Теләгемә иреш­тем. Башкаларга ярдәм итү – иң изге гамәл, – ди Нәргизә ханым.

Эшенә җаваплы караучы кызны хезмәттәшләре дә, җитәкчелек тә хөрмәт итә. Төгәл 16 ел үлекле хирургия бүлегендә шәфкать туташы булып эшли. Чиста хирур­гия бүлегендә дә хезмәт куя Нәргизә. 2008 елдан район­дашыбыз фтизиатрия каби­нетында эшли.

– Туберкулезга кар­шы профилактика һәм дәвалауда фтизиатрия уча­стогы шәфкать туташы бик җаваплы функцияләр баш­кара. Шәфкать туташы ту­беркулезны профилактика­лау, клиника һәм дәвалау, аның эпидемиологиясе, ам­булатор шартларда вакцина­ция үткәрү, дару терапиясе өлкәсендә әзерлекле булыр­га һәм эшен яхшы белергә тиеш. Нәргизә Бәдертдинова сынатмый, – ди район хастаханәсе баш табибы Да­мир Сөләйманов.

 Фото – “Мөслим-информ” архивыннан.