Кыйммәтле йөзек сатып алганда

– Яхшы яктан танылган кибетләрнең берсендә, юве­лир эшләнмәләр бүлегендә, кыйммәтле балдак сатып алдым. Якынча биш айдан йөзекнең бер ташы селкенә башлады. Балдак­ны кибеткә илттем. Миңа: “Балдак формасын югалткан, шуңа күрә таш селкенгән”, – диделәр. Чын­нан да, кию процессында балдак бармак формасын кабул иткән. Са­тучылар балдак түгәрәк булып ка­лырга тиеш, дип раслый. Экспер­тиза үткәрсәләр, ул минем исәпкә үткәрелергә тиеш диләр. Соңрак, балдак 2000 сумга кыйммәтләнде һәм аны алыштыра алмыйбыз, диделәр. Килеп туган каршылы­клардан соң, балдак фотосурәтен ясадык һәм гариза яздык. Сату­чылар вакытны сузмыймы? Бу ситуациядә кем хаклы?

Әлеге сорауга ТР Дәүләт алкоголь инспекциясенең Түбән Кама территориаль органының эчке базарны үстерү һәм координацияләү бүлеге җитәкчесе Евгения Чернова җавап бирә:

– Иң элек товарга гарантия срогы турында белергә кирәк. Бу очракта товарга гаран­тия срогы алты айга бирелгән. Ягъни җитешсезлек гаран­тия срогы дәвамында барлык­ка килгән. Димәк «Кулланучы­лар хокукларын яклау турын­да» РФ Законының 18 маддәсе нигезендә, кулланучы сату­чыга билгеле таләпләр белән мөрәҗәгать итәргә хокуклы. Сату­чы гарантия срогы билгеләнгән товарның җитешсезлекләре өчен товарны кулланучыга тап­шырганнан соң да җавап бирә. Шуңа күрә бу очракта сатучы кимчелекләре ачыкланган товар­ны кабул итәргә һәм кирәк бул­ган очракта товарның сыйфатын тикшерергә тиеш. Кулланучы та­рафыннан товарны алыштыру ту­рында үз таләпләрен күрсәтеп, сатучы адресына гариза язылуы бик яхшы. Товарның сыйфатын тикшергәндә, товарны алыш­тырганда әлеге таләп куелган көннән егерме көнгә кадәр срок билгеләнгән.

 Фото – freepik.com