Кемнәр китап ярата

Үзәк китапханә район буенча игълан ителгән "Иң күп китап укучы" конкурсына йомгак ясады. 2015 елда Әнисә Нурлыгаянова, Римма Сәфиуллина, Наил Гыйльметдинов, Рөстәм Нуриев, Мөнир Камалов, Фәнүзә Фәрхетдинова, Нәзирә Имаметдинова, Фәйрүзә Ильясова, Игорь Виноградов, Ландыш Таҗиева өлкәннәр арасында иң күп китап укучы дип табылды. Балалар арасында лицейның 4 классыннан - Мөхәммәт Низамов, Рания Абдуллина, 6 класстан - Инзилә Әхәтова, гимназиянең 5 класс укучысы Данияр Ильясов җиңүче дип табылды. Җиңүчеләргә дипломнар һәм истәлек бүләкләре тапшырылды.