Илүзә – җиңүче

13 майда Әлмәт шәһәрендә "Ак җилкән" Бөтенроссия яшь язучылар бәйгесенең йомгаклау туры булып узды. Гимназиянең 9 нчы класс укучысы Илүзә Кашапова бу бәйгенең "Проза" номинациясендә 1 нче урынны яулады. Илүзәнең бу беренче җиңүе генә түгел. Ул "Җиңү җыры" республика бәйгесе, 3 ел рәттән "Илһам", 2 ел рәттән "Ак җилкән" бөтенроссия яшь язучылар бәйгеләре җиңүчесе булды. Иҗатына югары бәя биреп, Камил Кәримов: "Әзер прозаик. Хикәяләрен укыганда, әсәрне язучы лирик "мин" образын күрә алдым", - дип, Илүзәгә фатихасын бирде. Илүзәнең остазы - татар теле һәм әдәбияты укытучысы Эльмира Тимергалиева.