Җиңүчеләр лицейда

Татарстан Республикасы мәгариф һәм фән министрлыгы тарафыннан ел саен республикакүләм "Беренче адымнар" дип аталучы ачык фестиваль-бәйге оештырыла. Яр Чаллы шәһәренең №1 балалар һәм яшүсмерләр иҗат йортында узган бәйгедә лицей укучылары да катнашкан. Җыр номинациясендә 1 класс укучысы Зилә Әһлиева 1 кечкенәләр төркемендә 3 дәрәҗәгә, 4 класс кызы Эльвина Мамлиева 2 кечкенәләр төркемендә чыгыш ясаучылар арасында 2 дәрәҗә дипломга лаек булганнар. Кызлар Лилия Заянова алып бара торган "Җыр сәнгате" түгәрәгендә шөгыльләнәләр. Фестивальдә җиңүчеләрне котлау тантанасы 8 февральдә булачак.