Яңа җиһазлар кайткан

- Мөслим сәнгать мәктәбенең рәсем сәнгате бүлегенә яңа сыйфатлы мольбертлар һәм планшетлар кайтты. Мольберт ул - планшетны, картонны кую, беркетү җиһазы. Ул рәсем ясау алымнарын тизрәк үзләштерергә булыша, укучының сәламәтлеген саклый һәм әзер картиналарны күрсәтү өчен кулланыла. Яңа материаллар ярдәмендә укучыларыбыз тагын да яхшырак белем алырлар һәм сәләтләрен үстереләр, дип өметләнәбез, - дип шатлыклары  белән уртаклашалар сәнгать мәктәбе укытучылары.

Фото - сәнгать мәктәбе архивыннан