Яңа елга әзерлек

Балаларыбыз зарыгып көтеп алган Яңа елга аяк басарга да бер айдан азрак вакыт калып бара. Бәйрәм атмосферасы тудыру йөзеннән, район үзәгендә Яңа ел бәйрәмен уздыруга әзерлек чаралары башланып китте.

Мөслим йөрәге скверында үзәк чыршы сафка басып килә. Кибетләрдә, сәүдә үзәкләрендә дә чыршылар, уенчыклар сатыла башлады. Тәрәзәләрдә гирляндалар балкый. Дуслар Клаб янында балалар өчен тау, үзәктә сыннар урнаштырылды.

Урамнарда да, күңелләрдә дә күтәренке бәйрәм рухы булсын! Имин еллар килсен!

Фото - матбугат хезмәте архивыннан