Баласын машинада караучысыз калдыручыларга 100 мең штраф "сапларга" уйлыйлар
"7 яшькә кадәрге баласын машина салонында караучысыз калдырган әти-әниләр тиздән 100 мең сумга кадәр штрафка тартылачак яисә 1 елга машина йөртү таныклыгыннан мәхрүм ителәчәк.
Россия Дәүләт Думасының бер депутаты шундый тәкъдим белән чыкты. Аның сүзләренә караганда, Административ хокук бозу турындагы кодекска 11.143 маддәсен ("Баланы транспорт чарасында калдыру") кертү кирәк. Канун проектында аңлатылганча, машинада ялгызы калган балага кислород җитмәскә, яисә ул салонда су булмаудан тилмерергә мөмкин. Машинада балаларны ялгыз калдыру аркасында Россиядә бәхетсезлек очраклары аз булмады", - дип хәбәр итә Мөслим районы буенча ДАИ начальнигы Айнур Хәйретдинов.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев