Сөт ризыклары бозылмасын дисәң...

Каймак һәм эремчекнең хәтта ки суыткычта да тиз бозылуы беркемгә дә сер түгел. Тик бу ризыкларны саклау вакытын озайтырга була бит! Аларны банкага тутырыгыз һәм, капкач белән каплап, суыткыч киштәсенә астын өскә әйләндереп куегыз. Болай эшләгәндә, банкада барлыкка килгән бушлык бактерияләрнең (ризыклар нәкъ менә шулар аркасында бозыла) пәйда булуына юлны яба. Шул рәвешле каймак белән эремчек әле тагын берничә көн “свежий” килеш сакланачак.