БУШ ФАТИРДАН ИШЕТЕЛГӘН ЕЛАУ ТАВЫШЫ КҮРШЕЛӘРНЕ ХАФАГА САЛГАН

Элеккеге хуҗалары фатирдан күченеп киткәч, күршеләре буш фатирдан сәер тавышлар ишетә башлаган. Фатирда кемдер елаган тавыш тирә-юньдәгеләрне хафага салган. Бу хәл турында НТР телеканалы хәбәр итте.

Кешеләр риелторга зарларын сөйләгән. Риелтор килеп, эшнең нидә икәнен тикшергәч, бар да шок хәленә килгән. 

Алар буш фатирдагы раковинага бәйләнгән кечкенә этне күреп алганнар. Эт ябыгып, интегеп беткән, муенындагы яра эзләреннән кан тамган. Бичара хайван шул рәвешле бәйдән ычкынырга маташкан.

Фатир хуҗалары этне шулай итеп ташлап киткән. Риелтор авыру хайванны ветклиникага илтеп, операция ясаганнар.

ЧЫГАНАК: "Интертат.ру" сайты.