Медицина җиһазлары кайтты

Район администрациясенең матбугат хезмәте хәбәр иткәнчә, Мөслим районы фельдшерлык-акушерлык пунктларына 39 электрокардиограф тапшырылды.

Әлеге медицина җиһазлары ТР Сәламәтлек саклау министрлыгының "Татарстан Республикасының бердәм кардиологы" мәгълүмат системасын РТ медицина оешмаларына кертү турында"гы карары нигезендә кайтартылды. ФАПларда мондый җиһаз булу, медицина хезмәткәренә тиз арада диагностика ясап, авыруга вакытында ярдәм күрсәтергә мөмкинлек тудыра.

ФАПларны кардиографлар белән тәэмин итү районыбызның "Сәламәтлек бишьеллыгы" программасы кысаларында алып барылган эшенә зур ярдәм булыр, дип көтелә.

Фото - район администрациясе матбугат хезмәте архивыннан