Мөслим-информ

Мөслим муниципаль район башлыгы Рамил Муллинның - Яңа ел белән тәбрикләве

Хөрмәтле мөслимлеләр, районыбыз кунаклары! Мөслим муниципаль район Советы, Башкарма комитеты һәм шәхсән үз исемемнән якынлашып килүчеЯңа ел ел уңаеннан иң җылы һәм эчкерсез котлауларны кабул итегез. 2015 елда башкарылган эш-гамәлләребезгә йомгак ясасак, ел безнең өчен уңышлы булды, дип әйтергә тулы мөмкинлек бар. Хезмәт сөючәнлек, максатчанлык, туган җиребезгә булган мәхәббәт катлаулы...

Хөрмәтле мөслимлеләр, районыбыз кунаклары!

Мөслим муниципаль район Советы, Башкарма комитеты һәм шәхсән үз исемемнән якынлашып килүчеЯңа ел ел уңаеннан иң җылы һәм эчкерсез котлауларны кабул итегез.

2015 елда башкарылган эш-гамәлләребезгә йомгак ясасак, ел безнең өчен уңышлы булды, дип әйтергә тулы мөмкинлек бар. Хезмәт сөючәнлек, максатчанлык, туган җиребезгә булган мәхәббәт катлаулы мәсьәләләрне җиңеп чыгарга ярдәм итте. Кайбер тармакларда күрсәткечләр без теләгәнчә үк булмаса да, башкарган эшләребез шактый, алар барысыда сезнең күз алдыгызда. Районда социаль-мәдәни билгеләнештәге яңа объектлар калыкты, балалар бакчалары, мәктәпләре, яңартылды, универсаль спорт мәйданчыклары ачылды, дистәләгән йортлар сафка басты, кибетләр, халыкка хезмәт күрсәтүче объектлар ачылды. Эшмәкәрлек белән шөгыльләнүчеләр сафының артуы, халыкның тормыш дәрәҗәсе яхшыруы районыбызның уңай үзгәрешләргә юл тотуы хакында сөйли. Районның социаль-икътисади үсешенә үзеннән өлеш керткән һәркемгә рәхмәт белдерәм. Безнең бүгенге уңышлар - киләчәккә нигез ул. Киләсе елда да, булган эш урыннарын саклап, яңаларын булдырып, алдынгылыкны кулдан ычкындырмас өчен һәрберебездән зур тырышлык, иҗади хезмәт таләп ителә.

Кадерле райондашлар! Яңа елга һәрберебез яңа өметләр баглый. Уй-хыялларыгыз тормышка ашсын, яңа 2016 ел һәр гаиләгә тынычлык, иминлек, яңа уңышлар, шатлык-сөенечләр генә алып килсен. Гаиләләрне сөендереп сабыйлар аваз салсын, исәнлек-саулык, тазалык-байлык барыгызга да! Яңа ел белән!

Рамил Муллин,

муниципаль район башлыгы, район Советы рәисе.

Нравится
Поделиться:
Реклама
Реклама
Комментарии (0)
Осталось символов: