“Хәйрияче – 2015” конкурсына йомгак ясалды.Чарада ТР президенты Р.Миңнеханов катнашты

Башкаланың "Корстон" мәдәни-күңел ачу үзәгендә "Хәйрияче - 2015" конкурсына йомгак ясалды. Бәйрәм тантанасында район Башкарма комитетының социаль-мәдәни мәсьәләләр буенча урынбасары Рушат Солтанов, Хәйрияче - 2015" конкурсында 8 нче тапкыр җиңү яулаган "Агромастер" җитештерү компаниясе директоры, "Исламов" фермер хуҗалыгы җитәкчесе Илгиз Исламов, Яңа Сәет авылында гомер итүче, тәрбиягә бала алган күпбалалы гаилә Тихния белән Муллашәех Галиевлар катнашты. Үзләренең өч баласы янына әти-әни назыннан мәхрүм калган тагын биш сабыйны сыендырган әлеге гаиләгә истәлекле бүләк һәм "Бәхетле" сәүдә үзәгенә 5 мең сум сумлык сертификат тапшырылды. Шәхси эшмәкәр Илгиз Исламов ТР Премьер-министры Илдар Халиков кулыннан Җиңүче дипломын алды