Башкарма комитет командасы ярышта

Казан шәһәре Мирный бистәсендә чаңгы-биатлон комплексы базасында дәүләт һәм муниципаль хезмәткәрләр спартакиадасы кысаларында ярышлар узды. Чаңгы ярышы быел спартакиаданы ачкан беренче дисциплина булды.
Ярышта 3 нче төркем булып республиканың авыл-районнарыннан 13 команда катнашты.
Киеренке көрәш барышында яхшы нәтиҗәләр күрсәтеп, Мөслим районы командасы гомумкоманда зачетында 5 нче урынны алды.

Мөслим командасын Керәш Шуран авыл җирлеге башлыгы Радик Сафиуллин, Баланлы авыл җирлеге башлыгы Илгизә Гыйльфанова, Башкарма комитет җитәкчесе ярдәмчесе Фәридә Гайнетдинова, оештыру бүлеге начальнигы Илназ Кашапов тәкъдим итте.

Команданы зур нәтиҗә белән котлыйбыз!

Фото - администрациянең матбугат хезмәте архивыннан