Мөслим-информ

2016 ел ТР Президенты тарафыннан “Татарстанда су саклау зоналары елы” дип игълан ителгән иде. Аның кысаларында районда зур проект тормышка ашырыла – Ык елгасының Мөслим авылы янындагы үзәнлегендә ял зонасы эшләнә

Бу күләмле проектны тормышка ашыру өчен респу­блика казнасыннан 30 млн сум күләмендә финанс средствосы бүленде. Әлеге средстволарга су кана­лы казылды, асфальт юллар һәм брусчатка җәелде.

Шул ук вакытта җирле бюджеттан да акча карал­ган. Май аенда башланып киткән эшләр бүгенге көндә инде төгәлләнү стадиясенә якынлашып килә. Биредә җир грейдерланып, территориягә үлән чәчелде, яшелләндерү һәм төзекләндерү уни­тар предприятиесе чәчәк композицияләре, агач-куаклар утыртты. Агачларның күп өлеше питом­никлардан кайтартылса, калганнары район ур­манчылыгыннан алынды. Ял зонасында юллар ясалып бетеп килә. Биредә асфальттан, агачтан һәм брусчаткадан юл­лар (аларның гомуми озынлы­гы 3 километрдан артык) салы­на. Велосипедта йөрүчеләр өчен - аерым, җәяүлеләр өчен аерым юл булдырылган. Су каналы буй­лап агачтан ясалган юллар китә. Кечкенә сулыкта киләчәктә ката­маран белән йөзү мөмкинлеге дә булачак. Юл буйлап эскәмияләр дә куелачак. Территориядә ял итү өчен дә бүрәнәдән үзенчәлекле эскәмияләр булдырылган. Бүгенге көндә зоналарны яктырту эшләре бара. Биредә 76 данә светодио­лы яктырткыч өчен баганалар ку­елачак. Аларның 33е инде мон­тажланган, шул ук вакытта 14 данә "одуванчик (тузганак)" яктырту композицияләре эшләнгән.

Ял зонасына килгән кунаклар­ны "Стоун-парк" - ташлар пар­кы каршы ала. Ташлардан ком­позиция ясау идеясе эш процес­сында барлыкка килгән. Архитек­торлар фикеренчә, Ык буе ял итү зонасының тематикасы безнең җирлек вакыйгаларын чагылды­рырга тиеш. Балалар мәйданчыгын Казан шәһәренең "Зарница" оеш­масы махсус проект буенча ясап алып кайткан. Мәйданчыкны алар үзләре үк урнаштырачак та. ТР Президенты ярдәмчесе Наталья Фишман бүләк йөзеннән динозавр фигурасы кайтарачак.

Бу көннәрдә ял зонасына Пуш­кин урамыннан төшкән юлдан ка­нал аша басма куелды. Әлеге бас­маны шәхси эшмәкәр Игорь Бубе­ков ясаган.

Ял зонасында амфитеатр да бу­лачак. Тамашачылар өчен урыннар инде әзерләнгән, сәхнә дә ясалып бетеп килә, амфитеатрның тирә-юненә үлән чәчелде.

Ял зонасына Набережная, Октябрьская һәм Пушкин урамна­рыннан төшү каралган. Биредә шу­лай ук машина кую өчен өч урын­да парковка ясала. Һәр парков­ка кимендә 25-35 машина сый­дыра алачак. "Ял зонасын төзүдә районның оешма-предприятие хезмәтчәннәре үзләреннән зур өлеш кертте. Өч ай дәвамында биредә 2000 гә якын райондашы­быз хезмәт куйды", - ди Мөслим авыл җирлеге башкарма комитеты җитәкчесе Марат Шәймөхәммәтов.

Ык буенда кышын башланып киткән эшләргә беренче мәлләрдә мөслимлеләр сагаебрак караган булса, бүген инде кызыксынулары артканнан-арта бара. Гаиләләре, кайткан кунаклар белән кечкенә экскурсияләр дә оештыралар, эш барышы белән танышалар. Әле кайчан гына чүп үләненнән баш­ка нәрсә үсмәгән, чүп-чарга батып барган Ык буеның күзгә күренеп үзгәрүенә, матураюына таң кала­лар.

Миләүшә ЗӘКИЕВА.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: