Хөрмә витаминнарга бай

Хөрмәнең кибеттә һәм базарда сатыла торган вакыты. Шуннан файдаланып калырга, организмга витамин тупларга ярдәм итәргә кирәк. Шулай ук хөрмәне катырып та куярга була, бу инде хөрмә сезоны беткәч куллану өчен яхшы булачак.

Өлгереп җитмәгән, авызны бөрештерә торган хөрмә беркемгә дә ошамый. Әгәр сез нәкъ шундый җимеш сатып алгансыз икән, аны өй шартларында өлгертеп бетерергә мөмкин.

Хөрмәне кара төстәге пакетка банан һәм алма белән бергә салырга. Ул 3-4 көндә йомшак һәм баллы булачак.

Шулай ук бер тәүлеккә туңдыргычка да, киресенчә, 12-14 сәгатькә җылы суга да салып куярга мөмкин.