Горурлыгым - урамым

 Әлбәттә, үз урамыбыз – Комсомол урамы белән бигрәк тә! Урамыбызга, җисеменә туры китереп микән, әллә бик тату яшәгәнгәме, “Комсомол урамы” дип исем кушканнар. Без бик тату яшәдек, безнең урам һәрвакыт гөрләп торды. Хәзер инде,үсеп җитеп, һәрберебез гаиләләр корды. Әмма аралашып, элеккечә дус-тату яшибез. Хәзер безнең балаларыбыз урамыбызны шау-гөр китерә. Һәр елны җәй айларында Ямьле Ык буенда яки берәр буа янында саф һавада, табигатькә чыгып ял итәбез. Төрле кызыклы уеннар белән Комсомол урамының сабан туен үткәрәбез. Кыш көннәрендә Яңа ел бәйрәмен шулай ук кызыклы итеп оештырабыз. Безнең кебек тату яшәүче урам бармы икән тагын Мөслимдә?! Урамыбыз тормышын башка урамнарда яшәүчеләр дә сокланып күзәтә, мактау сүзләрен җиткерә. Гел шулай тату-бердәм булып яшик, кадерле күршеләр! Мин үзем туып үскән урам белән горурланам.

Гөлназ Кирамова, Мөслим

Фото - ru.freepik.com