Экология олимпиадасында җиңүчеләр лагерьда ял итте

ТР Экология һәм табигый байлыклар министрлыгы, "Татнефть" АҖ, "Чиста булачак" төбәк яшьләр иҗтимагый хәрәкәте белән берлектә "Чиста мирас" яшь экологларның 1 республика олимпиадасы оештырылды. Олимпиаданың читтән торып үткәрелгән этабы нәтиҗәләре буенча Әмәкәй төп гомуми белем бирү мәктәбе укучылары Лилияна Мөбарәкова  һәм Азалия Хәбирова  финалга чыктылар. Җиңүчеләргә 30 октябрьдән 4 ноябрьгә кадәр Әлмәт районының "Юность" балалар сәламәтләндерү лагеренда  ял итәргә мөмкинлек тудырылды. Атна дәвамында балаларга бик күп кызыклы һәм файдалы чаралар оештырылган:
-Белгечләр белән экология буенча теоретик һәм практик дәресләр,
- Конкурслар, ярышлар, 
- Интеллектуаль һәм спорт уеннары,
- Иҗади чаралар,

 -Экскурсияләр,
- Экология өлкәсендә профессионаллар белән кызыклы очрашулар.
Кызлар каникулларын бик күңелле һәм иң мөһиме - файдалы үткәрделәр. Алар этаптагы биремнәрне лаеклы үтәделәр һәм киләсе елда да катнашачакларын белдерделәр.

Фото - Әмәкәй төп гомуми белем бирү мәктәбеннән