Форпостлылар спартакиадада катнаштылар

Зәй шәһәрендә «Форпост» җәмәгать тәртибен саклау буенча мәктәп, студентлар һәм эшчеләр формированиеләре Спартакиадасының сайлап алу зона этабы узды.

Татарстан районнарыннан килгән командалар ике яшь категориясендә - 14 - 17 яшькә кадәр һәм 18-23 яшь арасында ярыштылар.
Дүрт егет һәм бер кыздан торган командалар чиратлап 100 метрлы дистанциягә йөгерү, турникта күтәрелү, ут әзерлеге, гер этәрү, граната ыргыту, аркан тарту һәм Калашников автоматын сүтеп-җыю кебек сынаулар үттеләр.

Форпостның Мөслим командасы А категориясендә (14-17 яшь) катнашты һәм түбәндәге призлы урыннарны яулады:

аркан тарту -3 урын

 граната ыргыту - 2 урын
100 метрга йөгерү - 3 урын
 Калашников автоматын  сүтеп-җыю - 2 урын
ату буенча - 2 урын.

Мөслим районы командасы Татарстан Республикасы яшьләр министрлыгының Рәхмәт хаты, дипломнары һәм медальләре белән бүләкләнде.

 Фотолар - "Форпост" оешмасы архивыннан