Кәбестәне җыярга ашыкмаска кирәк, шул ук вакытта көчле салкыннарга калдырырга да ярамый. Үсеп җитмичә җыелганы, туңып өлгергәне начар сакланачак.

Кәбестә тыгызланып җитәргә тиеш. Өлгергәне үсүдән туктый. Башындагы өске яфракларын карагыз, ул аксылрак төскә керә, хәтта азрак ялтырап тора. Аскы яфраклары, киресенчә, саргая, акрынлап корый башлый.

Соң өлгерә торган кәбестә җиңелчә кырауга эләксә әйбәт, болай аның тәме яхшыра, баллана.

Фото -  "Мөслим-информ" архивыннан