Үзәк китапханәдә "Могҗизалар кыры" уены үтте

24 гыйнвар көнне үзәк китапханәдә күптән көтелгән "Могҗизалар кыры" уены үтте. Ул "Мин кулыма китап алам..." исеме астында якташ язучыларга багышланган иде. Уенны Моряк Йосыпов алып барды. 3 турдан торган уенда абсолют җинүче булып Баланны авылыннан Илусә Исламова булды. Тәнәфес вакытларында сәнгать мәктәбе укучылары үз чыгышлары белән уенны тагын да ямьләде. Катнашкан һәр кеше бүләк белән кайтып китте.